首屆高登女神選舉日前公佈結果，憑一雙美腿橫掃高登討論區嘅人妻謝安琪當選女神唔出奇，但估唔到重量級嘅魯芬都上榜，排名仲高過咪神徐淑敏同近期熱爆嘅岑麗香㖭，可見魯芬喺高登仔心目中，其實係佔有一定嘅席位嘅。嗱，巴打求仁得仁，你哋嘅女神前日喺微博回覆啦，仲答謝一眾有份投票嘅巴打，佢話：「我莫名其妙地成為第八名高登女神！實在太搞笑了！多謝網上朋友及粉絲！」高登仔，今晚有覺好瞓啦！