喺墨西哥舉行嘅無家者世界盃已經踢完，男女子組冠軍分別係智利同墨西哥，香港雖然失球88個、多過得球77個，但喺43隊中排31，較上屆排40已經有進步；而且今屆13場波，佢哋贏咗6場，係歷屆贏波場數最多一次。香港無家者世界盃籌委會副主席李德能，大讚港隊踢得唔錯，打逆境波嘅能力一流，港隊仲喺其中一場賽事後跳《江南style》慶祝（圖）。雖然輸咗比賽，但亦有一個好消息，就係5個參加比賽嘅亞洲國家地區，已經正式提議2014年，由香港主辦第一屆亞洲區無家者世界盃嘞。