美國單車手岩士唐（圖），早前因為被判服用禁藥，而被褫奪咗7次環法冠軍。佢禍不單行，贊助商Nike仲同佢割埋蓆，話佢欺騙咗一剔牌感情。誠信破咗產嘅佢知衰，宣佈辭任抗癌基金Livestrong主席。不過，好多車迷仍然支持佢，話比起佢喺車壇嘅成績，更令人諗起佢為抗癌不遺餘力。至於基金發言人就表示，岩士唐雖然唔係主席，但就仲會係董事會成員。