澳門江湖猛人「街市偉」（吳偉、又名吳文新）早排同「紅顏知己」陳美歡炒大鑊，就係因為呢場交，令到街市偉大嗱嗱唔見8000萬。奧瑪仕（959）日前承認喺8月時，將希臘神話賭場40張賭枱還番畀賭王嘅澳娛。家澳門個個賭場都話唔夠枱用，點解街市偉會無端端雙手奉還生財工具呢？
一拍兩散報復
華華八到，原來全部係由陳美歡喺背後一手策劃，當時喺醫院養傷嘅街市偉對件事毫不知情。話說街市偉喺希臘神話俾人「偷襲」後，成間酒店嘅營運幾乎停晒，班大陸豪客唔敢搵命博，紛紛轉場去第二度玩。當時重掌賭場嘅陳美歡眼見生意唔多掂，唔想「白交」枱租畀何生，又想激吓街市偉，等佢連休養都唔得閒，所以先嚟招一拍兩散。大家唔好睇少嗰40張枱，原來每年可以幫街市偉搵成8000萬。俗語話「寧得罪小人，莫得罪女人」，真係好有道理。