新地郭氏爭產風波不斷，近日有消息指郭炳湘（大K）同郭氏家族信託基金代表律師Mr. Wilhelm交手，列支敦士登（Liechtenstein）法院下令對方提交郭氏家族信託基金文件予大K，但郭家方面卻似乎唔知發生乜事，有人更指呢單畸士只係大K同Wilhelm之間嘅事。
接近大K嘅法律界人士話，Wilhelm係家族基金代表律師，郭家有乜理由置身事外？
又話呢單畸士牽涉整個家族基金安排，即係同喺瑞士仲裁庭、郭氏家族信託基金嘅基金管理公司要交出信託文件案件有關啦，咁點可以話兩單畸士冇關連？簡而言之，大K同兩個細佬，仲有官司打緊啦。