火箭周三就再度出動，今次季前賽對手輪到灰熊。控衞林書豪（中）喺上一場輪休之後，再度出擊。今場佢都仲係未搵得番自己嘅手感，全場9投3中只得7分。不過佢全場12次助攻，都係得2次失誤；防守都有4次偷波，協助球隊以109:102小勝對手。林瘋賽後話，早前同教練麥希商量過，與其做啲天花龍鳳嘅戰術，不如打啲簡單又有效率嘅波仲好。