港股六連捷，累積升幅接近600點。有戰友同唐牛講，家仲有好多散戶未入場，有炒賣嘅都只係出出入入，冇全面坐貨，呢個情況解釋咗點解個市可以一支箭咁上。呢兩日成交明顯增加，極大可能係基金搶貨追表現，因為唔少殘股好似龍工（3339）、重鋼（1053）、中國玻璃（3300），竟有一至兩成升幅。板塊繼續輪流炒作，由唞咗一輪氣嘅水泥股及機械設備股接力，下一浪極有機會輪到鐵路基建股，中鐵（390）在今年初引伸嘅上升通道頂整固多日，一旦突破非同小可。早前國務院常務會議指，要解決交通擠塞及環境污染問題，必須將公共交通作為優先發展項目，並由軌道交通網絡及有軌電車等入手。鐵道部最近再上調鐵路固投目標，今年投資規模加碼至6300億人仔，利好鐵路股前景。中鐵噚日收報3.73元，升2.5%，創15個月新高，成交亦穩步增加，短炒先以NAV4.16元作目標，潛在升幅12%。唐牛