民建聯新丁議員鍾樹根前日喺立法會首個動議辯論，同黨友蔣麗芸同樣一鳴「驚」人，唔少人批評佢將歪理當道理，竟然形容教育界葉建源反國教兼要吳克儉落台係「焚書坑儒」。受圍攻嘅佢喺facebook訴心聲，引用法國大文豪伏爾泰名句「雖然我不同意你的說話，但我誓死捍衞你發言的權力」（圖），力撐講嘢無罪！
有網民提醒，佢黨友葉國謙今日提修訂，限制議員喺財委會一項議案只可提一個動議，擺明限制議員發言權，正義嘅鍾根，應該投反對票啦；鍾根即時反駁發言權同拉布係兩回事，唔可以相提並論，換言之支持修訂。八方完全唔un佢嘅邏輯，但誓死捍衞佢嘅派膠權。