對於10蚊，想起紅極一時的10蚊店；20蚊，當然諗起出名刻薄的廿蚊張；30蚊，Samantha想起30蚊騙子。前幾日有位身穿橫間衫短褲踢拖的中年女人，含住泡眼淚問：「小姐，我唔見咗張八達通，可唔可以借30蚊俾我。」經《警訊》多年洗腦式教育，於是問「30蚊？小姐住邊吖？」「你冇電話咩？」此時，已有街坊大喝一聲，「之前個男仔畀咗30蚊佢。」眼前這女好眉好貌，不似癮君子，點解為咗區區30蚊冒住俾人拉。Thomas忍唔住口話，「一個鐘都唔知呃到幾多人，分分鐘係暴利。」家做個sales時薪都有成40蚊，炒股一出一入手續費都唔止30蚊，何苦挺而走險？施主，回頭是岸！若果噚日入市，買中水泥、鋼鐵同機械股，已經賺到好多個30蚊返嚟，基建概念又翻生，生產和銷售塑料管道及管件的中國聯塑（2128）可以急起直追，中期純利6億元，增長11.6%，毛利率亦由23.6%改善至25.9%，最近又同名牌Whirlpool合作，有力炒上。Samantha本欄逢周一、三、五刊出