在澳洲長大的澳洲新八模成員之一的Amy王嘉儀，在暑假期間聯同其他七名同樣來自澳洲的模特兒，組成「澳洲新八模」齊齊出寫真，務求迷倒一眾宅男。完成工作後，Amy返澳洲繼續工作，經過一輪深思熟慮後，決定在娛樂圈全力出擊。
講到早前攻港的寫真宣傳之旅，Amy直言：「雖然做嘢嗰陣真係好辛苦，而且仲同澳洲嘅工作性質好唔同，但真係好好玩，睇到好多唔同嘅嘢，以前都冇諗過會有呢一日，尤其係喺event度俾人影相，嗰種感覺真係好難形容。」
想拍電影
胸有牡丹紋身的Amy決定趁後生豁出去發展，原來多得媽咪支持，她說：「反正我仲細，唔介意見識多啲，加上我媽咪以前係學做戲，佢一路都好支持我喺娛樂圈工作，只不過係以前我成日掛住玩，所以冇理到佢，家咪聽佢話喺娛樂圈發展。」她更說：「我希望可以試吓拍電影同廣告，我覺得自己喺鏡頭前嘅表現自然過影相。」
採訪：何慧斯
Profile
姓名：王嘉儀（Amy）
三圍：33B、25、36
年齡：21歲
簡介：來自澳洲的Amy獲挑選加入澳洲新八模，寫真宣傳過後，將繼續在娛圈發展。
