霍震霆下月11號娶新抱，呢排忙緊籌備豪門婚禮嘅佢，前日下晝6點喺中環ifc行街，佢漫無目的咁行勻成個場，又入咗卡地亞、勞力士等名店睇嘢，唔知係咪想揀份禮物送畀未來新抱郭晶晶呢？
不過，霍震霆最後都冇收穫，仲邊行邊講手機走人。而大前日31歲生日嘅晶晶，日前同未來老公霍啟剛喺霍家大宅影婚紗相，結婚嗰日佢哋會喺大宅註冊，之後再去會展擺酒。採訪、攝影：羅德光
