去咗法國踢波，祖爾巴頓都仲係咁好火。佢喺早兩日代表馬賽同法乙嘅伊斯特尼斯踢友賽，但落腳一樣咁狠，炒到對方球員飛起(圖)。伊斯特尼斯諗住嚟踢吓衞生波，你祖爾巴頓竟然嚟真，咁當然好躁啦；兩隊球員仲差啲因為咁而打起上嚟！祖爾巴頓上季尾代表昆士柏流浪對曼城，佢先打泰維斯，後踢阿古路，被重罰停賽12場聯賽；就算佢走到去法甲，停賽令仲係生效，家只係可以踢吓盃賽。