外圍強勢，好友乘勢上攻，即月期指再上一層樓，惟有升幅冇波幅，裂口高開195點後，在21332至21431上落，高低位99點，收21393，升196點，低水23點。
期指昨日高開後，基本上欠缺水位即市短炒，除非肯坐好倉過夜，否則難有肉食。期指連續第5日報捷，中線走勢雖佳，MACD險現熊差之際，牛差距再度擴大，100日線（19722）升向250日線（19785），倘能重越，主要平均線將排出牛陣，突破2月高位21764可期。不過，日線圖連日在高位收陀螺後，昨日再現十字星待變訊號，令人存有戒心，加上日線圖9RSI升近超買區，小時圖RSI亦出現頂背馳，短線回調風險不低。本欄近期策略一直是候低開好倉，可惜大市始終唔肯落，現水平再追好倉並不值博，錯失機會總好過落錯注損手，寧耐心等待出擊機會。
吳六奇