英超球證嘅執法水準雖然成日被人批評，不過英格蘭球證喺國際球壇都算有啲聲望，好似韋比(圖)就執法過2010年世界盃決賽。41歲嘅韋比接受訪問時就講，2014年世界盃將係佢國際比賽嘅最後一屆大賽，如果再吹到決賽就更加好。不過韋比就講，未有打算放棄執法英超比賽，以佢一向被批評執法偏幫曼聯，紅魔鬼擁躉就真係唔想佢掛雞。