隔牆有耳：山林道麥當勞不敵霸權 - 李八方

被視為令美國經濟霸權全球化嘅麥記快餐店，不敵自由行掀起嘅地產霸權巨浪，屹立尖沙嘴彌敦道同山林道交界四分一世紀嘅麥記分店，昨日已「光榮結業」。呢間麥記方便就腳，係八方好多同事、同埋佢哋另一半集體回憶，那些年喺度拍拖、溫書、食包、吹水、打躉，消磨唔少光陰。

八方聽地產界老友講，傳聞該舖位以220萬元租出，係麥當勞原本65萬元月租嘅3.4倍。呢個黃金舖位業主係老牌建築商正記建築，麥記07年月租50萬元，11年加租至65萬元。
早前有消息指正記想斟新租客，目標係奢侈品牌旗艦店，不過暫時仲未知道新租戶究竟係邊間公司。