前日同家人朋友度過25歲生日嘅糖妹，噚日同糖兄到商台宣傳，問到男友Dominic點同佢慶祝？糖妹話：「冇呀，佢忙工作，咁咪好，大家都旺大家。」佢仲透露連預祝生日都冇搞。派台歌《現在再見》講述女友發覺男友漸漸忽略自己，然後發脾氣要分手，糖兄覺得都市人都好經常咁，問到糖妹同Dominic經歷咗未？佢話：「咁又未呀，以前拍拖試過。」