喺紐約做球星，最大優勢就係你幾時都係所有人嘅焦點，變相商機無限。紐約人巨星安東尼（Melo、圖），就深明呢個道理；佢一向喺飛人牌有自己條line，又衫又帽，再加埋鞋，真係識得搶錢。佢啱啱喺市內一間兒童服裝舖，為佢嘅個人品牌開時裝展，仲搵埋自己個仔行天橋，同場仲有隊友真達拿、MLB紐約洋基二壘手捷達嘅小朋友做model。唔單止咁，佢個仔仲會係Melo嘅生招牌，隨時喺紐約街頭都會見到佢！