香港1977年搞過一次滿漢全席，當年一間日本電視台TBS以10萬製作一圍，連食三日三夜，仲請咗汪明荃做司儀，直播日本，轟動全港。35年後，職業訓練局照辦煮碗，下個月喺轄下中華廚藝學院重現滿漢全席，屆時會筵開10圍，每圍收10幾萬，慶祝成立30周年兼做善事，因為收益會撥捐局內嘅學生發展基金，幫啲貧窮學生，據聞啲位已經爆晒。雖然職訓局今次籌備嘅只係一日幾個鐘嘅盛宴，但都好認真咁搵番當年嘅師傅取經，仲搜羅當年一套完整嘅食具，到時用嚟展覽。由於唔少所需食用材料，家已經係受法例保護嘅動物，職訓局正諗緊計搵其他合適代替品。