反洗腦戰場上月由街頭轉移到學校，率先表明開科的保良局香港道教聯合會圓玄小學被家長窮追猛打，結果師奶革命成功，迫使校方暫緩推科。其中一名家長蕭太勉勵一眾媽媽別小看自己，挺身為孩子發聲，也是一種身教。
老師指國教是補藥
蕭太7月就擔心學校推國民教育科，致電保良局查詢不果。她又趁兒子上學校暑期攀石班，向家教會的家長打聽，再去信學校。到9月校長終於坐下與家長開會，不歡而散，「有老師葉劉上身，話呢科係細路嘅補藥、維他命，叫我信佢。又有老師話升國旗要流眼淚只係例子，唔作得準。口講無憑！我信你至奇啦！」蕭太利用WhatsApp組織10多名家長在校門外收集簽名，住附近的搬飯枱擺街站，其他師奶分工合作剪卡紙、弄絲帶、聯絡記者，兩天收集到500個簽名，「我哋平時洗衫煮飯湊仔無時停，撻上床就瞓着，其實師奶可以好強」。整個9月，蕭家因反洗腦運動「淪陷」，蕭太忙着印傳單、擺街站，夜晚上網組織動員，還要陪兒子學普通話、鋼琴和功夫。剛巧菲傭離職，她無暇煮飯，一煲湯放着三天原封不動，「我同阿仔講，媽媽唔出聲，冇人為你出聲。你返到學校唔出聲，冇人幫到你」。兒子知道媽媽為他奔波，反而變乖。有天她倦極哭了，兒子幫她擦眼淚，「佢個人真係堅強、勇敢咗，以前着鞋掛住玩陀螺，家做功課自律咗。母子關係拉近，係今次運動最大得着」。