梁家輝日前接受黎芷珊主持嘅無綫節目《最佳男主角》訪問，當年佢同劉德華係同屆訓練班，有次大家同時被安排企喺周潤發身邊做跟班，佢哋自行為角色製造特點，華仔揀咬牙籤，家輝就將手收喺外套度，但點知被工作人員粗口問候。至於同張曼玉傳緋聞後，家輝曾提議少啲來往，但曼玉就完全唔擔心，話唔想冇咗個好朋友。