已故中共前總書記趙紫陽媳婦任克英（Margaret）喺投資銀行界一向吃得開，近日又有新動向，佢重返美銀美林做中國區主席，直接向亞太區總裁Matthew Koder滙報。
靠國壽單刁響朵
52歲嘅任克英係投行界fit馬，內地人脈關係強勁令佢成為投行搶手貨，加上佢本身並非省油的燈，攞刁同搶刁嘅能力相當強，每次轉工都引來行業迴響。佢響朵之作，應該係03年幫花旗攞到國壽（2628）港美兩地上市呢單大刁，雖然之後因為被美國證監會調查而停職，幾年後先還佢清白，但都無礙佢事業發展。07至09年Margaret去咗美林，出任中國區投行業務主席，2010轉去法巴。美銀美林內部噚日出memo，話Margaret由法巴過去做中國區主席。老實講，家陣個市咁差，大家都想知道Margaret有乜法寶可以攞到同出到大刁。