【反洗腦】
【本報訊】新一屆立法會首項議員動議，就是要求在國民教育一役表現「唔得掂」的教育局局長吳克儉下台。由於建制派為政府保駕護航，議案勢將被否決，不過泛民各黨派一致認為他「冇得留低」，工黨主席李卓人明言，即使下台議案不獲通過，但吳已威望盡失，日後推政策只會舉步維艱，促他自行引咎辭職；社民連梁國雄則準備在會上「招呼」吳克儉。
記者：陳雪玲
教育界議員葉建源抽到立法會開鑼後首個動議辯論，促政府撤回「德育及國民教育科」課程指引，同時指出教育局局長吳克儉在處理國教風波時嚴重失當，要求他引咎下台。
料建制派否決
不過，建制派議員佔多數，民建聯、自由黨等明言反對議案，即使27個泛民議員一致支持，動議在分組點票下料被否決。
社民連梁國雄修訂原議案，直接要求政府取消國民教育科。梁國雄深知原議案與修訂通過機會微乎其微，但他打算趁吳克儉來立法會，將會「畀啲好嘢招呼佢」，但具體如何，他笑言要再諗諗。他說，吳克儉在處理國民教育一役，最大的失誤是錯估民意，相關的發言全是文不對題，他憤言，立法會在建制派壟斷下已淪為橡皮圖章，「吳克儉嘅才能點做局長﹖不過佢靠橡皮圖章，要推咩政策都綽綽有餘啦」。
人民力量陳偉業稱會支持葉建源的動議，但他們尚未商討今天如何「招呼」吳克儉。本報曾致電人民力量新丁議員陳志全查詢，其助理回覆指陳志全不接受《蘋果日報》訪問。
工黨主席李卓人直言，即使議案被建制派否決，吳克儉都應該知衰，自動自覺引咎辭職。他說：「吳克儉冇改錯名，做嘢唔多掂，國教事件表現慘不忍睹，幾乎冇出現過，你作為問責局長，自己嘅政策範圍都唔敢面對拆彈，根本係隱形局長。」
「不如由EO做起」
李又不滿吳克儉曾指國民教育事件已超出教育範疇，演變成政治問題的言論，「局長百分百係處理政治問題，問責局長ABC都唔識，佢不如喺教育局由EO做起啦！」他又說：「立法會第一個動議就係要佢下台，局長仲有冇面留低，大家對佢冇信心，能力又備受質疑，希望佢識做就自己下台啦！」
【全民監察遍地開花】
如發現有學校、組織以任何方式明推、暗推洗腦教育，可向《蘋果》報料：mailto:[email protected]
蘋民洗版
【Roy Tsang】同一日，同一時間，同一地點，相反意見，為何警方要一反有咁開隔咁開的常態，要雙方平分一個「公民廣場」？
【Patrick Lam】相機、DV侍候。唔使怕搞事者，唔理佢哋就得。
【Bryan Lai】小心佢哋班已被洗腦人士搞事呀！忍忍忍……
節錄自蘋果日報facebook留言