消委會調查強積金，發現過半基金五年業績見紅，而且個別收費離譜，景順目標2048退休基金每年收費4.62％，試問有多少人有能力確保每年有超過這個百分比回報？這麼離譜和貼身的新聞，理論上會放在頭版，但《蘋果》選擇放A10，《爽報》本來亦不會放第2版，只是當天沒有其他更爆及貼身新聞，沙膽虹才建議不如強積金新聞放第2版，起碼關乎自己荷包，卻見到同事搖搖頭，臉上一副不贊成的表情。「點解唔好呢？自己有份供，難道你唔關心嗎？」沙膽虹問。「預咗喇，強積金蝕錢唔係新聞喇！」一位同事說。「我當佢冇晒㗎！」另一位同事說。「我都係（當佢冇晒）。」再有一位同事附和。雖然沙膽虹堅持將強積金新聞放第2版，但這幾句短短的討論亦證明強積金真失敗。一個月薪三萬的同事，每月自己和公司供款共三千元買基金，一年三萬六千，竟然已經「當佢冇晒」，真係哀莫大於心死！正如now財經台趙善真說，如果有得揀，一定是揀將強積金取消，沙膽虹亦舉腳贊成，皆因強積金基金無論如何都不及盈富基金平靚正；至於保守投資者做定存或買iBond都好過保本基金。如果梁振英能做這項實事，將前朝這項「強迫金」取消，對民望一定有幫助。沙膽虹