嚟緊周六有場熱刺對車路士嘅倫敦打吡，但估唔到呢場大戰嘅火藥味提早燒到巴西國家隊，熱刺中場辛度雲尼亞里（左）同車路士中堅大衛雷斯（右），喺周一操練開拖，佢兩個又叉頸，又打面；好在奧斯卡杜斯山度士同其他隊友發現得快，即刻拉開佢哋同勸交，佢兩個最後都和氣收場，揸番手。如果佢哋覺得仲未解決，咪喺星期六嘅英超早場公平較量囉。