女被告蘇淑儀在薄扶林村長大，一家雖已搬走多年，但村民對其印象仍然記憶猶新。有村民直指她「呃人真係好叻，簡直係騙子」。
村口店舖當託兒所
村民表示，蘇淑儀的父親「鬍鬚發」是鶴佬人，生下五個女兒後靠綜援為生，終日在家無所事事，只會間中幫村民做水電維修，但手工麻麻。村民興哥表示，「睇住佢哋五個女大，細個時都係污糟邋遢四圍走」。
而蘇淑儀也繼承「好吃濫玩」的性格，更與不同男人先後產下五名小孩。但她當上母親仍死性不改，有時更將村口的店舖當做臨時託兒所，「話唔記得帶鎖匙，咁就擺低個仔無尾飛陀，唔見咗成日」，帶來的小孩彷彿未食飽，「總之畀佢哋食乜，都可以食得好開心」。
「不過佢呃人又真係好叻，簡直係騙子。」村口一帶的店舖都曾被她騙過，借錢賒數通通不還，會用不同藉口藉詞推卸。在村口賣豬肉的老闆更謂「千祈咪話佢住過呢度，費事影響埋呢條村嘅聲譽」。村民對餓死嬰一事連聲嘆息：「五個細路哥，可以攞兩萬幾銀綜援，你話養唔掂，都唔知啲錢使去邊。你冇錢養咪問社署攞，實畀你㗎﹗」
《蘋果》記者