報業競爭激烈，收費報紙除咗面對免費報嘅挑戰，今年亦有報紙加價，一啲都唔易做。八方最近收到好消息，《Marketing》期刊報道，佢哋透過向廣告客戶同市場推廣服務公司做問卷，選出「年度最佳報紙」。邊個攞第一？登燈登凳，咪就係《蘋果日報》囉！評審話《蘋果》今年蟬聯年度最佳報紙冠軍寶座，根據香港出版銷數公證會最新審計，截至11年12月，《蘋果》發行量有25.5萬份。佢哋仲話《蘋果》嘅流動平台係十大最高收入流動平台之一。第二位係《南華早報》，第三位係《頭條日報》。而喺區域性組別入面，首位係《華爾街日報》，而《金融時報》就拎第二。