何韻詩最近為女裝鞋品牌做代言人，拍攝秋冬新廣告，以中性型格作主打。阿詩覺得鞋是一個造型的靈魂：「鞋梗係重要啦，好多時雜誌批評藝人造型，都會話係對鞋出錯。」
阿詩示範了《賈寶玉》穿過的厚底oxford shoes，以及animal print等。她覺得揀鞋和揀伴侶也有共通點，就是要「啱key」和「舒服」，要勇敢去試：「由細到大，我哋都會俾人問理想對象係點，或者你想同乜嘢人一齊，我哋嘅答案其實往往同最後喺埋一齊嘅人好唔同。所以我覺得，唔好俾自己一啲假想、設定去規限自己，因為完全唔會知遇到一個點樣嘅人，喺愛情上要勇敢地去嘗試，嘗試一啲你覺得冇可能嘅事，可能咁先係最適合你嘅選擇！」
撰文：唐如