馮仁昭四圍超:<br>吳綺莉違泊傷殘車位 - 馮仁昭

馮仁昭四圍超:
吳綺莉違泊傷殘車位 - 馮仁昭

回流返港拍劇同做主持嘅吳綺莉,可能之前成日留喺內地關係,所以對香港嘅法例都忘記得一乾二淨,噚日有讀者就報料投訴吳綺莉亂泊車,明明好人好姐,健健康康,但走咗去泊傷殘人士車位。話說日前吳綺莉揸住架車去大埔超級城停車場,雖然現場有大把車位,但係吳綺莉就照樣泊咗喺傷殘人士車位,嗰名讀者就鬧爆佢架車都冇貼傷殘人士標貼,但就照泊位,擺明就罔顧傷殘人士需要,為佢哋帶嚟不便。