立法會早排用逾8萬蚊請保安阿頭，月薪高過議員，估唔到立法會筍工一份接一份，最近又有好嘢啦。呢次立法會聘請教育服務導師，一入職月薪就有$23,530，頂薪可以加到去4.1萬，每月仲另加$730津貼，做滿三年合約仲有約滿酬金，真係唔錯。咁呢份工做啲乜？同導賞員唔同，導師負責喺小朋友、學生參觀立法會時，舉辦角色扮演活動、講故事、搞互動遊戲，仲要製作教學資源，update吓立法會嘅教育服務網咁。呢份工唔一定要有工作經驗，但要求大學畢業，仲要識得排版、搞網站、剪片。帶學生漫遊立法會，係好重要嘅工作嚟㗎！