胡杏兒和黃宗澤（Bosco）八年情盡，前晚二人同時在電視城開工，但未有機會遇見。杏兒寄情工作，為新劇《巾幗梟雄3》搏盡演出，花近三小時化大戲花旦妝，之後換妝再被人用鐵鏈吊起，受盡凌辱。另邊廂的Bosco被問對杏兒頂替鄧萃雯演《巾》劇有甚麼意見，他只說：「好吖，好事。」之後就急步入廠迴避。
胡杏兒今年7月底宣佈與黃宗澤分手，有指之後杏兒心靈受創，曾出現「鬼剃頭」及暴瘦等失戀後遺症，幸現在已雨過天青。
前晚杏兒與蕭正楠和唐詩詠返將軍澳電視城為《巾幗梟雄3》拍節目巡禮，杏兒穿上粵劇戲服化上花旦妝，擺出大戲姿勢。杏兒說：「有老師即場教我功架同造手，見到自己嘅花旦妝就諗起汪阿姐（汪明荃）。」問杏兒有否向阿姐請教？她說：「冇，拍節目巡禮先知有呢個造型，導演話真正拍時都有呢場戲，今日都花咗兩、三個鐘化妝換衫，角色好難演，好有挑戰性。」戲中杏兒與黎耀祥均演特務，被演漢奸的詩詠通風報訊捉拿，最後杏兒被送往牢房吊起問話，狀甚凄慘。
蕭正楠籲畀機會
一向官仔骨骨的蕭正楠在《巾》劇中演黑幫大佬，其左眼附近有條長疤痕，江湖味十足，他說：「我搵咗好多有關上海黑幫大佬杜月笙嘅資料，戲中詩詠演我太太，但我就鍾意杏兒。」問蕭正楠與視帝祥仔和視后杏兒合作，會否感大壓力？他說：「冇，我同祥仔合作過好多次，佢好nice，反而杏兒第一次。」
有指杏兒頂替鄧萃雯感壓力大，蕭正楠說：「之前咁成功，突然抽走一個，一定有壓力，但應將壓力轉化成動力，網友唔好鬧住先，睇完唔好睇先鬧。」
Bosco匆匆入廠
Bosco前晚同時間在電視城另一錄影廠為《善心滿載仁愛堂》做嘉賓，談到杏兒頂替鄧萃雯演《巾》劇，Bosco說：「好吖，好事。」然後他以入廠為由匆匆離開。
採訪、攝影：黃曉妍