劇集《雷霆掃毒》眾演員林峯、徐子珊、歐陽靖（MC Jin）等，昨日在觀塘一間中學與學生舉行籃球友誼賽，未知林峯和子珊是否拍劇太辛苦，沒時間做運動，雖然拼盡全力兼有人讓賽，但仍未能為自己隊入一球。談到鄭嘉穎內地拍劇收40萬一集，林峯即謂自己拍20集劇片酬已有近千萬，威過嘉穎。
林峯、徐子珊、苗僑偉、吳綺莉和官恩娜等昨日在觀塘一間中學宣傳無綫劇《雷霆掃毒》，子珊遲到45分鐘，到場不停道歉，並解釋因要趕拍節目巡禮。眾人昨日穿起運動裝，與一班中學生來一場籃球友誼賽，五分鐘對賽卻非常激烈，林峯施展渾身解數不停射籃，可惜多次進攻都未能入波。
MC Jin神勇
子珊更獲特別優待，其他同學見她進入得分區，竟刻意不追波並叫她：「你射啦！」可惜子珊乏力，連籃球框都掂不到。反而MC Jin表現神勇，為雷霆隊連入兩球，半場換人後，MC Jin似意猶未盡，換上敵方球衣上場，被鄧梓峰取笑說：「你估卧底做上癮呀！」最終兩隊6比6打成平手，和氣收場。林峯透露最近很忙，正在橫店趕拍葉璇投資的武打古裝劇，二人曾傳緋聞，問他可擔心被傳愛火重燃？他說：「驚我緋聞表唔夠full咩，應該唔係呢個full，而係『枯』先啱。」
遭葉璇嫌貴
傳鄭嘉穎在內地拍劇收40萬人民幣一集，林峯自爆酬勞更高，他說：「我今次拍二十集啫，接近八位數啦，但唔好講咁多，怕畀稅局追我。葉璇都話我好貴，所以要用盡啲，成日叫我請劇組食飯。」拍二十集賺近千萬，豈非每集酬勞超過40萬，比嘉穎更威。此外，談到早前有指林峯在劇中掃官恩娜胸部，他呼冤否認，問是否太細難觸摸，他笑說：「唔係，真係冇咁易。」採訪：楊潔雯攝影：陳慧安