早前俾人發現食禁藥嘅美國車手岩士唐（圖），臭史越揭越多；美國反禁藥委員會近日提出咗7個重點，提交畀達拉斯法院，全部都係話佢向委員會講大話，藉以逃罪。如果係刑事起訴，現年41歲嘅岩士唐可能因為作假證供，而面臨最高5年嘅牢獄生涯。至於佢被禠奪嘅7次環法冠軍，賽會就話寧願留空都唔畀第2位選手頂上，要畀人知道呢個世紀騙局咁話喎。