上周五嘅中北美洲區世盃外，古巴原本有15個球員隨隊作客加拿大，但出場名單得11個正選，後備一個球員都冇（圖），教練阿歷山大干沙里斯解釋，其中有個病咗，至於另外3個，佢就好隱晦咁話：「好多到世界各地參賽嘅古巴運動員，都追尋緊美國夢，所以呢……好難齊人。」睇怕嗰3個球員應該諗緊方法由加拿大偷渡去美國。講番場比賽，古巴輸0:3。