王馨平、區文詩、汪圓圓及表妹湛琪清等前晚到金鐘出席「The Swank」開幕，王馨平宣佈已落實12月16日在九展Star Hall舉行一場演唱會，她說：「多謝彭浩翔係《春嬌與志明》中用《別問我是誰》，所以有咁大迴響，有人問我點解唔去紅館，自己急於係2012年前完成呢件事，到時想請余文樂一齊演繹，亦都多謝周慧敏為我提議個唱名。」另外，代言醫學美容店的區文詩對於有人因打美容針而死亡，她說：「好驚嚇，冇想過做醫學美容有人離開，媽咪都好緊張我，話如果我再做嘅話就要同佢商量吓，都會謹慎考慮先再做，我同我代言間美容院個合約下月就滿，自己暫時都唔會接受其他療程住。」採訪：溫敏芝攝影：陳慧安