曾替導演杜琪峯寫過多個劇本、在電視台工作期間創作《新紮師兄》系列、《流氓大亨》及《創世紀》等經典劇集的著名編審司徒錦源，昨日因癌症病逝，終年48歲。他的遺作《逃出生天》由古天樂及劉青雲主演，目前正在泰國拍攝，《逃》片導演彭順表示會將司徒錦源的文字化成畫面作為致敬。
曾創作電視劇《創世紀》及電影《車手》等作品的司徒錦源，昨日因癌症病逝，終年48歲。司徒錦源自去年證實患上肺癌後，經歷化療後情況一度好轉，不過今年初再度病發，癌症更轉移上腦，經過半年多的醫治後，昨日上午於養和醫院離世。
帶病堅持創作
據悉司徒錦源在患病期間一直堅持繼續創作，先後完成已上映的電影《車手》及正在拍攝由劉青雲、古天樂主演的電影《逃出生天》。《車手》的導演鄭保瑞接受電話訪問時說：「係今朝（即昨日）收到通知話佢走咗嘞，去年頭係肺癌，做完治療之後到腦癌。其實舊年佢幫我編《車手》時啱啱先做完治療，就算病佢都冇停過創作，佢仲有幫子丹同彭氏兄弟寫過劇本。」
同是無綫出身
司徒錦源的遺作是跟彭氏兄弟合作的電影《逃出生天》，遠在泰國拍攝《逃》片的彭順對司徒錦源離世感到惋惜。彭順昨說：「《逃》片喺我哋一齊度嘅劇本，呢半年佢雖然帶病在身，但都好用心用力去創作，我記得喺電影開拍前兩個月，佢仲特登嚟泰國同我哋兩兄弟傾劇本，當時佢已經做咗化療，期間唔舒服我仲幫佢買藥。雖然佢已經離我哋而去，我哋會將佢的文字化成畫面作品，將佢嘅遺作拍到最好，以作最好的致敬。」另外，導演杜琪峯對於一名好編劇離世感到可惜，他說：「我、韋家輝、游乃海同司徒錦源都係喺無綫出身，有深厚感情，佢係一個好出色嘅編劇！今朝收到呢個消息當然傷心，安慰嘅係知道佢走嘅時候好安詳！願大家珍惜人生！」採訪：何永寧
