利物浦前鋒波連尼傷埋之後，𠵱家陣中只係得番蘇亞雷斯一個前鋒。我求大俠最近收到風，話利記想要紐卡素嘅丹巴巴亞（圖）！話說呢位塞內加爾國腳扭計想加薪，但係紐記話佢要求嘅加薪幅度高到不切實際，搞到紅軍心郁郁想喺1月，利用丹巴巴亞合約中嘅700萬鎊（約8,700萬港元）放人條款，將佢帶到晏菲路。