侯金林的從政表現遭上水不同村落詬病。坑頭村前村代表黎日康稱，每朝往來村公所到上水火車站的小巴站，總會有村民排隊；以往路線經營者安排十部小巴，於繁忙時間勉強可應付人潮，但早前侯金林以改善交通情況為由，與小巴經營者開會商議，結果「搞出大頭佛」。
「佢聲稱得到小巴經營者支持，繁忙時間加三部車，喺村公所外100米嘅豪宅外加一個站頭，表示可疏導人潮。但原來嗰三部車係由村公所出發嗰十部抽調，十個茶煲七個蓋，之後村公所每朝都打晒蛇餅！」
侯被轟插手丙崗村收地，但蓮塘尾部份族長及老村民，卻指有人雙重標準，任由發展商在貼近祖墳數呎外的地方施工，破壞宗族風水以至文化，村民鬧爆：「做區議員應該係村民同外界嘅橋樑，無理由有着數至管！」《蘋果》記者