狼振英7月去立法會派糖挽救民望，但係嗰次群情洶湧，立法會門外記者同示威者一擁而上，結果混亂中有人眼鏡逼爆變形、有人俾車輾親隻腳、有人遭電視台咪線箍頸，立法會秘書處噚日就同傳媒商討日後安排，雖然劃大咗個傳媒採訪區，但係示威區仍然擺喺老遠。狼振英一落車，就可以即時走入立法會，唔使理有咩人示威。
秘書處承諾，會同特首辦商量，希望要求狼振英一落車，可以先經過示威區先至走入立法會，等示威者起碼可以當面向狼振英遞封信，喊句口號，但秘書處話一切要等特首回覆，唔知對方肯唔肯「面對群眾」。狼振英下周三就會去立法會，係咪會走入群眾到時咪知囉。