江若琳相隔兩年再出碟，噚日佢到商台接受訪問，話心情興奮又緊張，仲有份創作新歌《學會快樂》，佢話：「家同以前思想好唔同，以前諗好多嘢反而令自己唔開心，家簡單咗，人都開心咗。」談到老闆林小明同前妻趙雪英鬧上法庭，問有冇安慰老闆？佢話：「佢識處理。」提到謝安琪加入星煥國際，怕唔怕擔心分薄資源？佢話：「唔使比較。」