今次六四踢保案八名被告罪成，是回歸以來的非法集結定罪人數最多的示威個案。涉案人士認為，由起訴、審訊到公安條例本身都盡顯不公，是赤裸裸政治打壓。人權監察指非法集結為殖民地惡法，早應廢除。
大部份被告為揸咪者
被判緩刑的葉寶琳說，以往警方針對示威者的控罪多為阻街、襲警，但近年多次引用《公安條例》擺明車馬政治檢控。例如去年引用擾亂公眾秩序去檢控替補論壇示威者，非法集結罪行更重，「特別針對組織者，大部份被告都曾經揸咪。代價大咗，參與嘅人自然會少」。
另一被告明偉添也感審訊過程不公，辯方一直處於劣勢。他舉例稱，警方提供的影片顯示，警察一度開路讓部份示威者前進，「但個官話係啲人推開警察」。另一片段顯示，其中一名被告遭後排示威者擠了上前，「佢揩到警察，個官睇咗好多次，卻寫低呢一下係衝擊」。
人權監察總幹事羅沃啟指，港英政府利用非法集結罪鎮壓左派，「左派坐埋打麻雀，實則開會，所以多過三個人就中招。只要有混亂就可以話你破壞社會安寧，但家好多混亂係警察造成，如果庭上講得唔清楚，好容易出事。咁危險嘅罪行唔應該喺法典出現」。
《蘋果》記者