農夫原先下月嘅演唱會胎死腹中，但因為有老闆支持，將個唱改為talk騷，噚日佢哋去新城宣傳。講到talk騷內容，農夫話：「會講吓政治，不過我哋只會輕輕帶過，最緊要係帶畀人歡樂。」成員C君（右）話會講感情事，會唔會請前女友嚟睇？佢話：「佢唔喺香港我先夠膽講，不過佢睇完會好釋懷。我算過自己嘅目標喺年尾出現，到時我再話你哋知。」