黎明同樂基兒宣佈離婚後，黎明舊愛舒淇喺微博留言似暗撐，令唔少網友希望兩人復合，但前日舒淇出席伯爵錶活動時就話冇諗過同黎明復合。前晚活動後，舒淇返屋企即上微博，相中佢已瞓喺床上仲有「甜心」陪！各位唔好誤會，甜心只係舒淇隻愛犬，早前佢寧願玩狗都唔出席有份演出緋聞男友馮德倫嘅《太極》香港首映，可見佢係愛狗之人。