鄭伊健月前在演唱會上，公開表示和蒙嘉慧(YoYo)明年結婚，但有傳兩人婚期定於年底的12月21日。蒙嘉慧昨日出席活動，指根本沒有正確婚期，笑指兩人都有「填form恐懼症」，準備簡單簽紙，再發相給傳媒，「人生大事唔係婚禮，係身邊嘅係咪你鍾意嘅人，一齊到老最緊要」，坦言有情飲水飽。
鄭伊健和蒙嘉慧落實結婚後，一直未有新消息，有傳兩人婚期12月21日，但之後又傳改期。蒙嘉慧昨日在中環出席銀器展，品牌大使及高層即時送上一對銀杯，預祝她結婚，YoYo臉上即流露幸福表情。
有填Form恐懼症
YoYo直言愛銀器，去旅行也會睇家品：「試過成個煎pan hand carry返嚟，家搵緊一個純銀水煲，不過要成九萬幾。」努力打造未來安樂窩？她說：「安樂窩一直都有，呢啲係心態，睇銀器係我同佢（指伊健）共同興趣，飲杯冰凍嘅水，開心過着件靚衫。」之前傳12月21日婚期是否改了？她表示根本未有確實日子：「冇改過期，因為未諗過，畀啲空間我哋搞埋啲手續啦。」
伊健早前被影到試禮服，應該婚期不遠？YoYo指他只是為朋友婚禮做兄弟禮服，並表示婚禮不會大搞：「嗰日想靜靜哋，唔煩到大家喇，如果朋友唔介意，可以簡單啲。」在外地註冊？她說：「未決定，好多朋友畀啲世界各地嘅資料我，其實我哋兩個有共同毛病『填form恐懼症』。」現時準備好去填？她說：「人生大事唔係婚禮，而係身邊嘅係咪你鍾意嘅人。」
「一齊到老最緊要」
YoYo指屆時會通知傳媒或發相，以免記者苦等，問到伊健是否也是一紙婚書也可以，她說：「係傾向呢個方面諗，唔係求其（結），簽（紙）嗰吓係神聖嘅，一齊到老最緊要。」
採訪、攝影：林嘉慈