吳啟華煩囡囡讀書

吳啟華煩囡囡讀書

戚美珍、賈思樂和吳啟華等昨日到青衣城出席慈善舞台劇《蝦仔爹哋II》記者會。首次演舞台劇的吳啟華在劇中演醫生,他說:「我想玩舞台劇,以前喺英國讀書啲鬼佬阿sir唔畀我玩,入行後又冇做過。」
提到黎姿再生囡囡,啟華直言羨慕,問他可有意追多個?他說:「生唔係問題,湊先係問題。家囡囡四歲要讀書,係畀外母湊,但外母住長春,但當地讀書唔方便,佢又唔想搬,所以都煩緊。」金剛今次會演蝦仔兒子,問可擔心金剛廣東話不好?賈思樂說:「所以我同金剛同場時會有字幕。」
採訪:譚倩宜 攝影:林德雄