對安道爾？荷蘭教練雲高爾話，呢場唔出尹佩斯都搞得掂喎；佢咁講：「大家都期望我哋呢場波會圍住對方禁區嚟攻，我覺得出亨特拉爾會適合啲。」安道爾世界排名201，簡直係一嚿魚腩；雲高爾畀尹佩斯唞吓，等佢養精蓄銳，留番下周二對羅馬尼亞先搏殺都冇錯。另外，雲高爾新人事新作風，搵咗22歲嘅燕豪芬中場史杜特文做隊長，擺明向班老將示威。