當年基斯坦奴朗拿度（C朗）離開曼聯轉投皇馬，一度令紅魔迷（包括小弟）心碎！甚至，反感！
直到上季尾，巴塞在西甲對皇馬窮追不捨，那場關鍵的國家打吡，C朗在危急關頭，冷靜將皮球射入，然後做出「拍心口」慶祝動作，示意：定啲！包喺我身上！
夠膽將責任攬上身，而且講得出、做得到；上周西甲打吡，C朗再次「拍心口」，大將之風，表露無遺。我對他的佩服，又回來了。
然而，贏盡歐聯、英超、西甲、世界足球先生等榮譽，早排C朗仍發表「不快樂」言論。有人說：「靚仔、有錢、威水，仲唔開心？」其實想深一層，這是很合理的。當人一無所有，擁有少少，便會快樂；當已經擁有很多，便要比現狀擁有得更多，才會快樂。如此一來，C朗理應是球壇上最不快樂的人！現在他最想擁有的，當然是國家隊的榮譽。
以C朗極依賴速度及身體素質的踢法，年過30後將很難長期維持高水平。下一屆大賽是2014巴西世界盃，屆時C朗已29歲，這或許是他為國家隊奪標的最後黃金機會。不過由於隊友實力參差，要以一己之力令葡萄牙奪標，難度甚高。其實他一直在等另一位葡萄牙人襄助──摩連奴。
摩佬一早講過職業生涯中希望有機會執教祖國，如此一來，最好便是打鐵趁熱。相信只有在C朗當打之年，配合摩佬的執教功力，才有機會讓葡萄牙這支「無冕強國」一嘗捧盃滋味。不知兩年後有否機會看此「黃金組合」由皇馬移植到葡萄牙？
文：方柏翹
now足球評述員