每天過着追追趕趕的工作生活，難得有個超長假期，點都要對自己好一點、豪一點。外遊首選地落在時裝迷至愛的巴黎，朝聖與睇景雖已盡量平分，但為爭取多走幾個景點，最後四日之旅又變成追追趕趕，後悔自己不夠貪心，去足一星期才轉戰英倫。朝聖大品牌自然是行程之列，退埋稅幾乎係香港的七折價，難得有留手未大出血。但令我真正大出血反是法國新晉品牌The Kooples，成立才四年左右已開始走紅，今季更找來簡東拿做硬照Model。用料剪裁實淨，幾乎同一線品牌有得揮，但平均100至200多歐羅的中位價，單係呢個價想喺香港買到，已太難。更開心的應該是，這個品牌香港還未有入，難得未被內地同胞「寵幸」。
梓略
凡事不強求，買嘢一樣，擁有太多「監粗買」經驗，發覺辛苦的只是自己。戀愛亦然，好感不是愛，共勉之。
