【本報訊】耀輝只間中獲醫生批准回家數小時「度假」，他很想回家，卻處於兩難。「醫生問我幾時出院，但我對腳仲未行得，暫時仲未食到嘢要用胃喉輸奶，爸爸、媽媽要返工，想請人照顧我，如果出院同屋企人住就申請唔到綜援，佢哋收入有限，兼顧唔到我嘅生活。」耀輝出院後每星期接受三次物理及職業治療，每月支出約3,000元，連同工人薪金及醫療雜費，每月開支約1.2萬元。「出院前仲要改裝屋企，包括鏟平廁所石級、拆走企缸嘅圍欄，估計最少3萬蚊」。耀輝本年3月用盡積蓄申領綜援，出院後須以家庭作單位申請，其60餘歲父母分別做地盤工人及清潔女工，合共1萬餘元收入，不符申請綜援資格。
出院後須靠綜援資助
跟進耀輝個案的失明人協進會中心經理林楚恩表示，耀輝住院期間視作獨居，獲批2,000多元綜援，除非社署讓他出院後繼續獨立申請綜援，始可獲資助物理治療及聘請工人開支。屯門醫院表示，耀輝目前並無嚴重生理健康問題，曾與其家人商討康復安排，無要求他即時出院。社署回應，耀輝出院後可申領傷殘及醫療津貼，該署會酌情處理其綜援申請。耀輝所患的「轉化症」，據心理衞生會執行委員黎守信醫生解釋，患者內心世界長期受困，受心理因素干擾令肢體不能活動，要透過藥物及心理輔導解開心結，痊癒期視乎患者能否開竅，快則數天，慢則以年計。