狼烏雲蓋頂焦頭爛額，自由身的唐唐打跛腳唔憂米。這一日，他喝住紅酒風花雪月。「無論任何時間都可以劈酒開車，因為有司機，這個司機，不是波波。」「雖然人落選，但永遠不必承認失效。」「今時今日撞見李剛，他不是我爸，一 於當佢透明。」「Thank God，唔使去西環報到。」「每日被群眾大聲喊『撤』，肯定會神經衰弱，遲早崩潰，自己一切了斷。」「我懷疑，市民的真正意思，是叫你切腹。門常開睇落幾似斷頭台，我阿媽千叮萬囑叫我千祈咪接近。」「中秋節我在家裏的泳池邊賞月，但狼呢？你不是姓曾，感覺幸福嗎？」「講大話可以唔認，未聽過能夠擱置。」「政治高手唔一定要捉棋，打麻將都得。麻將唔怕爛，雞糊食得都唔好嘥。」「講到尾，係咪張摺凳……累事？」