立法會選舉期結束，唔代表事旦男何家泰對CCTVB嘅狙擊告一段落。日前通訊事務管理局辦公室回覆事旦男、有關CCTVB竟然喺凌晨時分播立法會地區直選選舉論壇嘅投訴，話好抱歉喎，因為現行規管廣播服務嘅法例、牌照條款或業務守則，冇條文規管相關事宜，換言之即係冇得跟進啦，但會將投訴轉達CCTVB喎。
久未露面嘅事旦男對呢個答案當然唔收貨，希望至今未有回覆嘅選舉事務處會跟進啦，畢竟CCTVB係免費電視台，有乜理由唔盡企業責任，幫手搞熱選舉氣氛？雖然事旦男暫時會退隱一段時間，但佢聲言會繼續監察CCTVB，唔排除隨時再出擊突襲喎。